2011 上海蘇杭 day 1 (part 1)

不文社的次文化膠流團 Day 1 (part 1)

二零一一年一月九日:D 我去了某校某SOC的四日三夜蘇杭文化交流團. 由於團友資質有限, 文社極不文, 文化十分次文化. 交流非常尻流流... 明明話一月十先去, 點知忽然提早一日變一月九--------- 晨早流流約0630am 九龍站等-0- 痴線的麼, 就算我搭頭班小巴都一定會遲到. 算了反正預左人遲到的對不對? 哈哈 早上五點半起床, 要了我的命. 望下塊鏡見到額前劉海很長, 我恐怕旅行時一陣大風刮來, 我PAT蔭便會遮住對眼, 影相很不方便, 所以毅然隨手拎起剪刀剪左佢. 求其剪到唔遮眼, 效果又居然唔太柒wor哈哈. (晨早流流明明趕住出門口, 竟然仲有心情剪頭髮XD) 爸說問左小巴司機話頭班車係六點開. 我便五點九揹起背包出門了. 然後等lift時忽然發現, 啊, 我怎麼兩手吉吉?! 我個喼呢-0- 我唔記得拖埋個喼出黎, 哈哈哈-.- 五點十落到樓下小巴站, 睇住架小巴走左-0- 又話六點頭班車既-0- 睇下小巴站個牌, 明明話五點十頭班-0- 下一班係六點一... (事後爸才說: 個小巴司機話, 五點十頭班, 六點先開丫麻. 個個司機作風唔同, 做咩信司機唔信個牌-口-  ) 目送小巴揚長而去的我, 很無奈地心裡說著粗口, 嘴裡吃著麵包, 在寒風中候車. (那幾天剛好是氣溫極低的日子, 冷得我騰騰震) 真是出師不利, 又唔記得帶喼, 又走班車, 這次旅行會一塌糊塗嗎 六點九左右去到九龍站, 全團八人(六男二女), 竟然已有四人到了, 我和另外二人同時到. 然後大家一齊等剩返那個人(member一名). 八人中五人是現莊/老鬼, 兩人member, 我是搭單的. 哈. 最後的member十分鐘後來了. 以為係D唔知乜水member, 點知原來係班老鬼識既, 班老鬼都好驚喜, 世界真細小小小 :D 去拎過境巴士票和機票. 點知原來PIC訂票時打錯我回鄉證號碼, 我拎唔到機票-0- 其他人的票都沒問題, 仲可以即場check in埋, 得我要去到深圳機場再拎機票再check in -3- 出師不利! -口- 其實呢團仲有一個人, 佢會自己上深圳, 係機場先同我地會合. 係車上打畀佢, 先知原來佢唔知係今日出發, 以為係聽日-.- 最後佢冇黎到呢個trip. 頭先講過個trip係忽然提早左一日, 佢地d contact真係混亂. 搭巴士到深圳寶安機場去. 機場個樣生得好似紅磡火車站-0- 落左車唔知應該去terminal a定b, 當時已經係0845, 但最遲0915要check in. 是但揀左一邊terminal, 搵到訂票的旅行社counter, counter那人找了許久找不到我的票. 然後他打電話問其他同事, 原來我張票係另一邊terminal. 行返去另一邊terminal, 已經0905 0910拎到機票. 連旅行社counter人都忍不住說:" 還不快去check in!" 去到check in位, 有班同胞係度唔知嘈乜, 怎麼總是在危急關頭遇上麻煩友. 班同胞睇黎仲有排嘈, 我待不下去了, 直接上前隊張機票畀counter d人. 好彩佢肯做. 時為0915剛剛好-3- 去排隊安檢. 排的時候大家想起自己水樽有水, 於是輪流行出行入咁去倒水. 搞掂又八個人繼續一齊排. 排到就黎到既時候, 忽然有個講國語的大叔從隊伍後面走上來, 大叔對我說: 你們該讓我先排, 你們一大團人, 我才那麼一個人, 我趕時間, 而且我看見你們也插隊了 (他b le ba la的普通話說了一堆, 大意如此吧) 為甚麼大叔要跟我說這番話? 我想可能因為我剛巧站在我們這團人中的最頭頭位置, 而且覺得我樣子好欺負,所以他便看上我了. 點知我一句車埋去: 不可以大叔可能唔想過我會如此決絕(其實因為我普通話詞彙貧乏, 所以只能簡單答他不可以XD), 窒了一下. 大叔: 我才一個人, 你們那麼多人, 你就給我先排. 我: 不可以, 是我們先排的, 你要排隊! 大叔: 我他們也插隊啦, 我看見你們有些人後來才來, 插隊了 我: 我們一直都是在一起的, 我們沒有插隊, 你現在才是插隊. 他繼續ee um um地說了一堆, 我堅持: 我們也趕時間, 我們沒插隊, 我們一直都排在這裡, 你排在後面的, 你給我排下去! 之後佢居然真係走返去後面XDDDDD 可能因為安檢人員離遠見到大叔係度搞事, 也有喝佢排好, 再加上"下去!"呢句又真係幾見駛(話說多年前有次聽收音機, 梁思浩話佢係海洋花園排隊時有同胞想插他隊, 他喝了一聲"下去!", 那人就真被他喝退了), 所以佢縮返去後面lol 我d咁爛既pth 哈哈哈, 講黎講去都係個幾句XD 我唔想咁輕易畀佢插到隊, 所以點都要撐兩句. 其實都諗住講下嫁咋, 阻唔到佢打尖咪算lor,  點知得左XD 但我見到排前面個女人係度笑, 唔知係咪笑我d爛pth -v- 哈哈, 真開心, 趕走左個插隊佬 :D 我d團友都唔幫口既, 求其係隔離附和兩句就算-3- 排後面個d團友話唔知發生咩事, 排前面個d話自己pth不佳lor -3- 好啦, 終於到我地安檢. 頂, 原來其中一個團友冇倒水-0-於是又要等佢. 等佢途中見到頭先個大叔已經過左安檢... 佢仲快過我地-.- 話說我地架機係0945起飛, 我地搞完一輪安檢都已經過晒0930 (實際時間忘了, 總之好趕). 行緊去上機時, 聽到廣播話我地架機唔知最後召集定乜, 於是好緊張. 唔知邊個帶頭跑-口- 成班痴線仔拖住個喼係度跑, 真是青春無限, 哈哈 跑到去上車出停機坪. 不過剛巧送車尾-.- 於是又要企係度等車... 咁我地頭先跑黎做乜-.- 算了, 青春lol 搭車去到飛機前. 飛機好細隻, 原來係一架細機. 上機, 我不是跟他們一起坐, 可能因為我不是跟他們一起check in, 我那個票是後補再print的. 看他們沒有要跟我調位的意思, 那我就一個人滾到後面去坐了. 那正好, 讓我試試一個人坐飛機. 反正就那麼兩小時機程, 應該沒甚麼事. 我坐在兩個男人中間, 左男大部分時間在睡覺, 右男在看雜誌. 其實我有帶書來看, 不過那天晨早流流起身, 我不想那麼費神, 免得早生睡意, 所以就從前排座位背後袋裡隨手拿一本雜誌來看. 從書中認識了一名叫戴菲菲的運動員. 本來打算睇到飛機起飛就訓覺, 點知架機等左成粒鐘先開-3- 飛機餐 空姐來派飲品. 我本來想要橙汁, 但不肯定橙汁的普通話讀音-.- 要是我說: "wo xiang he陳煮", 她聽不懂那我便樣衰了. 所以我縮沙要了ke le就算了 :D 十二點幾, 下機, 繼08年後再度踏足上海 :D 下回續