旅途上的#3 秘魯 利馬

旅途上的#3 秘魯 利馬

那是我最後一天待在秘魯, 第二天一早我便要飛去智利. 那天住在秘魯朋友A的家. 他的家人熱烈歡迎我, 更特別炮製了含酒精飲品. 雖然本人酒量不佳, 但也不至於一喝即吐, 不過前提是要吃點東西打底. 

我就是欠了這個前提, 喝了一杯半就不行了. 後來去廁所時順便躲起來吐, 吐完就舒暢多了.

晚飯後有個身材高挑的美女來找A, 這小子真鬼馬, 識到個又高又美英文又好的女生. 然後這兩人便問我要不要go out for a walk, 我以為是飯後外出散散步, 豈料美女原來有駕車, 車了我們去買酒@@

還未到重點. 重點是我以為他們買完酒便是散完步, 應該是時候回家慢慢品酒了. 可是我發現車並非駛向家的方向, 唔知去邊, 去到勁遠. 我個程車好驚. 心裡狂呼不要啊, 差點嚇到標尿.

我好驚佢地車我去淫亂PARTY, 因為下午A開面書給我欣賞, 佢D相全部都係飲酒派對. 成班人飲醉係度亂咁舞既相.
佢睇相時又指住話呢個人同三個人錫左, 另一個又同邊個攬左.我好擔憂.
我真係好驚佢地要車我去D咁既場合. A又唔係唔知我第二朝就要去機場, 仲咁夜(10pm)車我出街. 我個晚真係好想走. 

終於我們在豪宅區下車, 雖然A和美女說只是個普通的Party但一點都不能緩和本人的恐懼. 踏入那個三層樓的超級大宅那刻我再一次感到壯士一去兮不復還了(第一次是飛往秘魯途中). 現在回想既然這麼害怕就應該窩在車上別下來, 怎麼我這麼沒GUTS.

入屋, 屋內只有一對情侶. 我們便圍坐著吹水. 後來門鈴響起, 我很希望進來的是女生, 可惜結果來了數個男丁. 然後門鈴又響, 又來了數個男丁 :'(
好多男人啊:'( 我唔要見到男人啊:'( 我唔要淫亂PARTY啊 :'( 我唔想死啊 :'(

好彩 唔係淫亂PARTY

那夜只是飲酒吹水和打牌. 不淫也不亂. 而且還非常有格調地在私人泳池旁放幾張桌椅在啜酒. 

但我真很睏很想回去訓覺.

12點跟A說我想返屋企. 然後他對我說他想飲PISTO (酒名, 唔識串)#$()U#@()#@U$問非所答, 當我冇到.

又過左陣, 我再同A講我好眼訓我想返屋企. 結果A叫豪宅主人畀左間客房我訓= =
啊. 我唔係要訓覺啊. 我要返屋企啊 :'( :'( :'(

之後兩點九先走, 三點三先返到家.負責駕車的美女都飲左酒, 我好驚佢會醉駕, 沿途一直緊抓著安全帶和車內扶手.

對於能全身而退, 我非常感恩.

:'