土耳其棉花堡

棉花堡下面個湖有阿伯撚鴨，佢將好大舊硬法包丟落水畀鴨食，喺我思疑啲鴨夠唔夠牙力嗰陣，阿伯分咗舊包畀我齊齊撚。

我不慎將成舊包車咗落隻鴨個頭，阿伯大概以為我特登掟鴨，竟然好開心咁掟埋一份，相當仆街。好地地一個阿伯，又畀我鳩化咗。

#法式亂煎鴨胸 #北京烤鴨 #鹵水鴨舌

土耳其雪糕

賣土耳其雪糕的叔叔總愛舞來舞去耍你一輪，為了玩叔叔，我花了點工夫從旁觀察，精心策劃好被玩時的反擊戰略。

叔叔將雪糕遞過來，我順利接過，我望吓佢，佢望吓我，完！

佢竟然唔玩我？我唔好玩咩？Why唔玩我？我覺得佢唔玩我，係真係玩緊我😢😢😢終於明白點解柒撚懵懵嗰陣係食甜筒😢