2010 澳門 day 1-2

二零一零年十二月十九至二十

一行六人去了澳門, 有望下山也有望下海的勿膠旅行:)
想簡潔點, 這次就把sentence簡化成phrase好了.

氣溫不算低, 有時走著更覺熱. 不過其中幾名同行友人都帶了大衣, 搞到一抽二lung咁XD

十點十五分船. 編了個有埋張檯既位畀我地. 可以鋤鋤鋤鋤鋤dee.
後來發現這個是影相的極好位置. 最適合拍有深度的照片XD
 

繼續扮認真
 

搭緊船都開遮...
 

下船. 行去漁人碼頭, 影了很多kai相 :D

我d同學真係好識擺pose

回碼頭, 坐免費穿梭巴士到葡京, 然後行去瑪x烈葡撻. 有人龍在排隊. 跟隊.

很走運, 這店第二天會休店, 幸好我們選了第一天就來:D
葡撻標價$8/個, 我們買6個, 佢收$7.5/個. 另外見到好多人買個度既cake. 可能都好味. 價錢$12-15
葡撻好熱, 噴晒煙咁. 但見到其他友人都起勢食, 我都不甘後人. 結果大家的上顎都受傷了= =

繼續走路到大堂街雞扒. 炸雞扒標榜有27cm長. $18/塊 +$3有飲品.
唔係講笑, 塊扒真係好大. 可能真係有27cm. 又係好熱熱熱熱即叫即炸, 大家又等唔切咁落手撕來食.
根據廖同學的說法, 塊雞扒好似向我地招緊手咁, 係度呼喚我地:"食我啦食我啦" :D
一路大叫"好辣手"一路又起勢撕. 每撕一下塊扒都噴大量煙. 好熱好熱, 又傷及上顎. 不過堅係好味. 食完之後指頭和上顎都"辣"親了, 畢竟真的太熱.了.

繼續走路到潘榮記買金錢餅. 餅的成份是蛋黃和麵粉.

幾好味. 食了一塊就停不了口. 新鮮整好熱辣辣時較好食. 買盒裝的話要兩小時後才起貨.
價錢方面, 我明明記得係$10/磅, $56一盒. 但回家磅了我那盒$56的, 只有一磅 -0- $10那袋的單位大概不是磅吧, 可能記錯了? maybe is 10 grams?!

接下來因為同行友人有卸下行李的需要, 所以我們乘的士到酒店去.
是一家名義上是五星, 但我覺得只值三星的酒店, 酒店房間有一半向海, 另一半向山. 職員說全部經濟房都是向山, 有山景.
來到房間, 開門一看, 咦, 這果然是個不折不扣的山景, 而且跟山的距離還很近.

無敵護土牆山景-v- 不過窗外風景是啥也沒關係, 反正我不會花太多時間去看.
另外不知是不是靠近尾房的關係, 電視收訊很差. 沒關係, 反正沒啥節目要看.

離開酒店回到潘榮記拿金錢餅. 其實出貨時間未到, 不過你中到埋去, 佢就會畀你.

在議事亭前地買了旗. 明愛的. 這天有很多賣旗人士. 澳門都有賣旗呢樣野.

走路到福隆新街. 街口有一街邊車仔檔, 明記牛雜.
很多人排隊買. 跟隊.

$10/串, $30或$50/盒.
哥仔手起剪刀落, 不停剪剪剪, 我們那盒$60的牛雜盛得滿滿, 牛雜多得盒蓋也只能勉強合上. 哥仔跟手霸氣地拿起六枝竹籤, 往盒上狠狠一插! 果然霸氣.

幾好味. 汁很濃, 又係好熱好熱好熱, 上顎又中招. 來到澳門, 吃的東西都很熱-v-

牛雜檔隔離有檔車仔買涼茶. 但排隊買牛雜的人多到把涼茶車擋住了. 涼茶大姐不斷叫d人企出d. 我想, 既然如此怎不把車仔推過d. 反正人是多得叫不走. 可能有甚麼限制令她不能推過d.

去對面街食義順雙皮奶. 店名叫得雙皮奶, 我就食雙皮奶. 凍的, 不要熱. 終於食返樣凍野安撫上顎. 幾好. 奶味. 阿姐話 "拿, 有皮嫁."
 

回福隆新街, 隨便找間吃翅的, 譚記魚翅, 挑了全店最便宜的三款翅: 花膠海參中鮑翅$68, 石窩中鮑翅$55, 黃燜大排翅$48.

只是料不同, 個湯底應該一樣, 我們把三窩翅平均分成六碗, 吃了都不知啥是啥-v-

沒關係, 反正味道都是這樣, 我牛_牡丹.
這店自動將桌上的一包紙巾$2和一碟腰果小食$6計進賬單了.

走路到大三巴. 未試過夜晚睇大三巴. 另一番景象, d燈照得幾有氣氛. 近看有股陰森味.

夜晚的大三巴頗適合扮鬼影相
 

呢期成個澳門都有好多熊貓裝飾, 大三巴有一排熊貓. 夜晚相機唔係好影到相sad.

我喜歡右二那隻的表情.

打算行路去葡京搭巴士過氹仔吃水蟹粥, 行行下偏離航道, 去左一個建築物幾靚既地方, 應該係荷蘭園. 見到圖書館, 佢八點收皮, 我地經過時剛好八點收緊館. 係出口大模大樣咁走入圖書館去廁所. 我聽到一男職員細聲自言自語"點解係出口入既". 其實我見到那是出口, 入口在另一邊, 不過同行友人應該不知道, 見門就一馬當先地走進去了, 沒所謂吧XD
見到圖書館有很多one piece和偵探學園q還有很多其他漫畫, 齊齊整整大半套放著在書架:D

之後求其找到了巴士站. 搭巴士去氹仔.
峰景餐廳: 本來驚會冇位, 點知去到都冇人, 得幾檯人= =

鑊仔蒸鰻魚$138, menu上沒寫這菜的價錢, 我們見出名便點了, 結果原來咁貴, 唔值138.
米通魚球$48, 16粒, ok, 吃到魚骨碎, ok la. 但見隔離檯吃剩了很多.
秘製炸田雞$65, 因為很少見有炸田雞, 所以點了, 乾左d, 調味料的味道蓋過田雞味. 似乎田雞比較適合用來蒸.

鮮草菇什錦拼$60, 其實是豬雜. ok, 同行友人吃得很徹底, 連墊底用的菜的吃光了.

水蟹粥(大)$148 [小$98, 大較抵, 大真的比小多很多], 幾好味

夜裡在陰暗無人只有我們的車站等巴士返澳門, 巴士來了, 司機似乎看不見我們-口- 詭異. 結果來了第二輛車才成功登上.
等車時的對話 佳句摘錄:
廖同學: 我下面好有抵抗力 (她好像是想說她雙腿不怕冷)
葉同學: 空間交配... (?!) (她本來想說時空交錯之類)

巴士到了澳門, 轉巴士到了下環, 本打算走路回酒店不過走著才發現有點遠, 結果再乘巴士.

大家在酒店房聊天時我坐著坐著就兩眼一閉了. 之後醒了一會但又再睡了. 三時多大家去睡.

 第二天

set了鬧鐘0830起床, 9點落酒店大堂吃早餐, 我起來梳洗好後把同房的一個要吃早餐的人拍醒了, 然後再去鄰房狂按門鈴把兩個要吃早餐的人也弄醒了.
雖然我會賴床, 但我極少會按停鬧鐘後再倒頭睡, 這方面我可是自信滿滿的說 :D

等待同伴梳洗時沒事幹, 獨自在酒店閒晃. 這是上文提到酒店向海那邊的景.

酒店自助早餐不甚了了. 選擇不多.
炒 蛋, 烚蛋, 上湯魚皮餃, 腸仔, 餐肉, 煙肉, 焗蕃茄, 南瓜, 茄汁豆, 雪菜肉絲通粉, 油麵, 咖哩炸卷, 薯條, 春卷, 奶黃包, 蒸饅頭, 白蘿蔔, 菜心, 牛奶麥皮, 白粥 (配料自己添: 油條(已切片), 麥條(類似桂格那些燕麥粒粒), 粟米片), 方包(有多士爐畀你自己烘), 牛角酥, 格仔餅(有夾餅機畀你自己夾), 橙汁, 豆漿, 咖啡, 奶茶, 可自製沙律 (青瓜, 車厘茄), 凍煙火腿.

講到好多野食好勁咁, 其實不然.
1. 炒蛋勁好味, 好滑, 我encore左兩次
2. 焗蕃茄好好味, encore x1, 但麥同學覺得好酸.
3. 麥同學encore南瓜
4. 雪菜肉絲通粉和油麵佢地話no gd
5. 薯條和春卷都是林的, 咖哩炸卷冇咁林不過不算脆.
6. 格仔餅粉漿冇晒但冇人加, 所以冇得食.
7. 個waitress好好唱口, 佢一邊捧壺奶出黎, 一邊唱歌 :D
就是不覺得這酒店是五星級...
人家十點半早餐收皮, 我們一直坐到十一點.

check out, 搭酒店免費巴士, 沙利文餐廳有落.

晨早流流就冇晒馬介休波?! 賣晒定未整... sad [$50半打]

非洲辣雞(半隻) $128, 跟餐包三個. gd

葡國雞(半隻)$133, gd

焗芝士意粉$60, gd gd! 因為本人熱愛焗芝士乜乜物物:D

沙利文海鮮飯$128, gd

餐廳環境不錯

呢幅相大家交足戲

走路到禮記三文治雪糕$9, 兩塊威化夾著三種雪糕. 威化林了. 三款雪糕唔係舊舊一樣, 亦唔係日日一樣(上次我來的時候是士多啤梨榔子蜜瓜). 這次是蜜瓜雲尼拿榔子 / 蜜瓜雲尼拿咖啡

芒果雪糕gd. 我覺得這是店裡最棒的.
香芋gd, 逼真顏色, 逼真味道, 好像還內藏芋蓉.
花生 我覺得ok, 他們說gd. 完全是花生醬味

走路到皇都酒店搭酒店專車, 這個皇都同是五星級為甚麼光是大堂的裝潢就比我們下榻的濠璟酒店豪華那麼多-0-

到碼頭, 搭免費車去威尼斯人. 隨便逛逛, 象徵式用廿雞玩老虎機.
影相, 成團強國遊客無視我地, 係相機同被影的我們中間閒晃. 我們大聲說 "不好意思!" 他們沒反應.之後仲過份, 我地上左條橋上影. 有個細路不停係相機同我地之間來回踱步, 係來回, 唔係單程.
葉同學發火說: "走開!" 然後我彷彿見到他臉上有一抹笑容閃過. 我不肯定他有沒有笑, 那笑容好似一閃即逝. 然後我見他父母不在附近, 便對他大喝:"滾開! "
他依然無動於衷.

好吧. 強國萬歲.

坐的士. 官也街. 買手信. 同行友人3人加起來幫襯了鉅記$7xx -口- 唔怪得鉅記咁發達.

我係都唔買鉅記. 我要小眾一點, 幫襯了香記. 好像都不太小眾. = =

時間不多, 趕船, 故在官也街沒久留. 欲吃豬扒包, 但是新好利d人多到吱晒出黎, 友人說對面街間cafe的炸豬扒包很好味不過售罄了, 大利來沒開店, due to回歸紀念日.

包沒吃到, 乘巴士回碼頭著草.

後記:

1.這班團友真好:) 行去邊都冇異議, 又咩都肯食, 牛雜豬雜田雞全都食:D

2. 澳門不是理想的居住地.
a) 看起來好像遊客比居民還要多, 酒店看起來好像比民居還要多. 我不喜歡這種環境, 尤其那看似金碧輝煌的新葡京, 我彷彿看見金光背後的黑暗. 再說無論感覺上還是實際上, 那種設計和用色都俗氣非常.
b) 雖說有很多好食肆, 不過長年擠滿遊客. 這不是好現象. 澳門人討厭阿蘇不無道理.c) career選擇很少, 太過一元化, 賭場又要靠關係才有得做.
d) 玩樂的地方很少, 沙灘只有黑沙一個, 我堅持那沙灘名叫黑沙而非黑沙灣, (黑沙灣是那豪宅名, 黑沙才是沙灘名. ) 想燒烤只能到那裡. 想行山的話也沒甚麼地方好行, 香港的郊野地方多很多.

簡單來說澳門地方太細, 先天不足.

3. 澳門d車用咩油? 咁臭既? (題外話, 內地人排放的二手煙比香港人的臭, 肯定不是萬x路)

4. 暑假我想再去澳門